मन्त्रालयको परिचय

नेपाललाई तीव्र गतिमा विकास गर्न केन्द्रीकृत तथा एकात्मक राज्य व्यवस्था बाधक भएको परिपेक्षमा नेपालको संविधान, (२०७२) ले अंगीकार गरेको संघ, प्रदेश र स्थानीय तह गरी तीन तहको शासन प्रणालीका लागि विभिन्न चरणमा निर्वाचन भै सवै प्रदेशका सवै निकायमा सरकार गठन भएको छ । जस अनुरुप प्रदेश नं. ४ को अस्थायी राजधानी प्राकृतिक सौन्दर्यले भरीपूर्ण सुन्दर नगरी पोखरामा मिति २०७४ साल फाल्गुन ४ गते माननीय मुख्यमन्त्री, श्री पृथ्वीसुब्बा गुरुङको नेतृत्वमा पहिलो चरणमा ३ सदस्यीय प्रदेश मन्त्रिमण्डल गठन भएको । यस प्रदेशको समग्र विकासका लागि मुख्यमन्त्रीको कार्यालय सहित ७ वटा मन्त्रालयहरु रहेका छन् ।त्यस मध्ये प्रदेशमा शान्ति सुरक्षा अमन चयन कायम गर्दै यस प्रदेशलाई व्यवस्थितरुपमा सञ्चालन गर्न आवश्यक पर्ने कानून निर्माण गर्ने, सञ्चार सम्बन्धी प्रदेशको क्षेत्राधिकार भित्र रहेर प्रदेशको प्रत्येक स्थान एंव जनस्तरसम्म पुग्ने गरी सञ्चार मैत्री वातावरण बनाउने, प्रदेशलाई शीघ्राधी शीघ्र सम्वृद्धितर्फ लैजान यो मन्त्रालयको २०७४ साल माघ १८ गते स्थापना भएको हो । २०७४ साल फाल्गुन ४ गते माननीय आन्तरिक मामिला तथा कानून मन्त्री, श्री हरि बहादुर चुमानले पद वहाली गरी निरन्तररुपमा कार्य गरिरहनु भएको अवस्थामा प्रदेशमा भ्रष्ट्राचारमुक्त समाजको सृजना भई बहुजाति, बहुभाषि, बहुधार्मिक, बहुसाँस्कृतिक, विविधतायुक्त भौगोलिक अवस्थितीमा रहेका प्रदेशवासीहरुले संविधानले अंगालेको सहकारिता, सहअस्तित्व र समन्वयको सिद्धान्तलाई सफलिभूत बनाउन विविधता बीचको एकताको सूत्रमा गाँसिएर समग्र प्रदेशको विकासमा प्रदेश सरकारलाई साथ र सहयोगको अपेक्षा राख्दै जनमूखी नीति लिन यो मन्त्रालयले महत्वपूर्ण भूमिका खेल्ने छ ।

यस मन्त्रालयको कार्य जिम्मेवारी देहाय बमोजिम रहेको छ ।

मुख्य कार्य जिम्मेवारी

  • शान्ति सुरक्षा
  • प्रदेश प्रहरी
  • प्रदेश अनुसन्धान ब्यूरो
  • विपद्व्यवस्थापन
  • द्वन्द व्यवस्थापन
  • कानून, न्याय तथा प्रदेश सभा मामिला
  • सञ्चार

बृहत्तर कार्य जिम्मेवारी

  • प्रदेश शान्ति सुरक्षा र सुव्यवस्था सम्बन्धी नीति, कानून, मापदण्ड र योजना तर्जुमा तथा कार्यान्वयन, नियमन, सूचना संकलन, मूल्याङ्कन र प्रतिवेदन तथा संघसंगको समन्वय र सहकार्य
  • संघीय र प्रदेश सुरक्षा निकायसंगको सम्पर्क, सम्बन्ध, सूचना आदान प्रदान र समन्वय
  • संघीयकानून बमोजिम प्रदेश प्रहरी संचालन, व्यवस्थापन र नियमन
  • प्रदेशभित्रको अपराध अनुसन्धान, सूचना संकलन, रोकथाम, नियन्त्रण तथा समन्वय
  • कानून, न्याय तथा प्रदेश सभा मामिला सम्वन्धी
  • प्रदेश सभामा पेश हुने बिधेयक तर्जुमा र प्रमाणीकरण सम्वन्धी
  • अन्तर्राष्ट्रिय सीमा क्षेत्रमा हुने अपराध र गतिविधिको सूचना संकलन, विश्लेषण र उपयोग तथा अन्तर्राष्ट्रिय सीमा सुरक्षामा सहयोग
  • आधारभूत मानव अधिकारको संरक्षण, नागरिक स्वतन्त्रताको रक्षा तथा प्रबर्द्धनमा सहयोग
  • प्रादेशिक कारागार तथा हिरासतको व्यवस्थापन र सुरक्षा, थुनुवा तथा कैदीहरूको मानव अधिकारको संरक्षण र एक प्रदेशबाट अर्को प्रदेशमा अभियुक्त, थुनुवा वा कैदीको स्थानान्तरण सम्बन्धी
  • सामुदायिक प्रहरी
  • प्रदेशभित्रको सडक सुरक्षा र ट्राफिक व्यवस्थापन
  • प्रदेशभित्र न्यायिक र अर्ध न्यायिक निकायले गरेका फैसला कार्यान्वयन
  • प्रदेशभित्रका गैरसरकारी संघ, संस्थाहरुको अभिलेख र समन्वय
  • प्रदेशभित्रका गैरसरकारी संघ, संस्थाहरुको अभिलेख र समन्वय
  • गुनासोर विवाद व्यवस्थापन
  • संघीय मापदण्ड बमोजिम हातहतियार, खरखजाना तथा विष्फोटक पदार्थको नियमन
  • फौजदारी कार्यविधि कानूनको कार्यान्वयन
  • अपराध तथा यातना पीडितको पुनर्स्थापना र क्षतिपूर्ति
  • निवारक नजरबन्द र स्थानहद सम्बन्धी
  • अन्तरप्रदेशसम्बन्ध
  • सरकारी प्रयोजनका लागि जग्गा अधिग्रहण तथा सम्पत्ति प्राप्ति सम्बन्धी प्रादेशिक नीतितथा कानुन तर्जुमा, कार्यान्वयन र नियमन तथा जग्गा विवाद समाधान
  • स्थानीय प्रशासनको सन्चालन, व्यवस्थापन र समन्वय
  • पारिवारिक मामिला (विवाह, सम्पत्ति हस्तान्तरण, सम्बन्ध विच्छेद, टुहुरा, धर्मपुत्र, धर्मपुत्री उत्तराधिकार र संयुक्त परिवार) सम्बन्धी नीति, कानून र मापदण्ड तर्जुमा, कार्यान्वयन र नियमन
  • विपद व्यवस्थापन, जोखिम न्यूनीकरण र विपद् प्रतिकार्य, प्रादेशिक विपद् कोष स्थापना र संचालन, स्थानीय विपद् कोषमा सहयोग, तथ्याङ्क व्यवस्थापन र अध्ययन तथा अनुसन्धान, विपद् जोखिम क्षेत्र नक्शाँकन र बस्ती स्थानान्तरण सम्बन्धी प्रादेशिक नीति, कानून, मापदण्ड र योजना तर्जुमा, कार्यान्वयन र नियमन
  • उपाधि,सम्मानतथा विभूषणको सिफारिस
  • प्रदेशस्तरमा सार्वजनिक बिदा, उत्सव, उर्दी आदिको व्यवस्थापन
  • प्रदेशस्तरमा दिगो शान्ति व्यवस्थापन तथा द्वन्द्वबाट पीडित तथा विस्थापित व्यक्तिको पुनस्थापन सम्वन्धी
  • सत्य निरुपण तथा मेलमिलाप र वेपत्ता पारिएका व्यक्ति सम्वन्धी
  • प्रदेशस्तरको विद्युतीय संचार माध्यम संचालन सम्बन्धी नीति, कानून र मापदण्ड तर्जुमा, कार्यान्वयन र नियमन तथा अनुमति, इजाजत र नवीकरण
  • प्रदेशस्तरमा तारयुक्त र ताररहित ब्रोडब्याण्ड पूर्वाधारको विकास, व्यवस्थापन र नियमन
  • प्रदेशस्तरमा सूचना प्रविधिको प्रवर्धन, सूवना प्रविधि पार्कको निर्माण, सञ्चालन र नियमन
  • प्रदेशभित्र टेलिसेन्टर संचालन, व्यवस्थापन र नियमन
  • प्रदेशस्तरका इन्टरनेट सेवा र अनलाइन तथा अन्य प्रविधिमा आधारित संचार माध्यमको दर्ता, अभिलेख, अनुमति, नविकरण, अनुगमन र नियमन
  • साइवर सुरक्षा अनुगमन
  • छापा संचार माध्यमको दर्ता, अनुमति, आचार संहिता निर्धारण र अनुगमन, अभिलेखाङ्कन, बर्गीकरण, सञ्चालन र नियमन
  • प्रेस सूचना प्रवाह, सूचना सामग्रीको उत्पादन, प्रकाशन र वितरण
  • श्रमजीवि सञ्चार कर्मीहरुको न्यूनतम पारिश्रमिक अनुगमन
  • प्रदेशस्तरीय प्रेस रजिष्ट्रार सम्बन्धी
  • केबुल वितरणको इजाजत, नवीकरण र नियमन
  • सूचनाकोहक सम्बन्धी प्रादेशिक नीति, कानून तथा मापदण्ड तर्जुमा र कार्यान्वयन
  • चलचित्र निर्माण,हल संचालन तथा प्रदर्शन अनुमति र नियमन

प्रदेशको सामान्य चिनारी

अंचल
जिल्ला ११
संघिय निर्वाचन क्षेत्र १८
प्रादेशिक निर्वाचन क्षेत्र ३६
महानगरपालिका १ (पोखरा-लेखनाथ)
नगरपालिका २६
गाउँपालिका ५८
जम्मा वडा संख्या ७५९
कूल क्षेत्रफल २१,५०४ वर्ग कि.मी.
जनसंख्या २०,९२,१५३
महिला ११,४४,९०८(५४.७२%),
पुरुष ९,४७,२४५(४५.२७%)
कूल सडक १३२४४.८७ कि.मी.
पक्की २८५५.७२ कि.मी.
ग्रावेल २१३५.८४ कि.मी.
कच्ची ८२५३.३१ कि.मी.
प्रमुख लोकमार्गहरु
पृथ्वी लोकमार्ग ९० कि.मी.
पूर्व-पश्चिम राष्ट्रिय लोकमार्ग ७१ कि.मी.
भूपी शेरचन लोकमार्ग ६९ कि.मी.
सिद्धार्थ लोकमार्ग ९० कि.मी.
बिमानस्थल
पोखरा बिमानस्थल, पोखरा
जोमसोम बिमानस्थल, जोमसोम
हुम्दे बिमानस्थल, मनाङ
पालुङटार बिमानस्थल, गोरखा (हाल सञ्चालनमा नरहेको)
बलेवा बिमानस्थल, बागलुङ (हाल सञ्चालनमा नरहेको)
क्षेत्रीय अर्न्तराट्रिय विमानस्थल पोखरा (निर्माणाधिन)
प्रमुख उद्योगहरू
गोरखकाली रबर उद्योग (गोरखा)
औद्योगिक क्षेत्रहरु
पोखरा औद्योगिक क्षेत्र
महत्वपूर्ण धार्मिक स्थलहरु मुक्तिनाथ, गोरखकाली, मनकामना, देबघाट
महत्वपूर्ण पर्यटकीय स्थलहरु पोखरा, मुस्ताङ, अन्नपूर्ण पदमार्ग (कास्की), मनासलु पदमार्ग (गोरखा), घोडेपानी (म्याग्दी)
पर्यटकीय गाउँ स्याङ्जाको शिरुबारी, लमजुङको घलेगाउँ, कास्कीको घान्द्रुक र धम्पुस
प्रमुख जलबिद्युतहरू
कालिगण्डकी १४४ मेगावाट (स्याङ्जा)
मध्य मर्स्याङ्दी ७० मेगावाट (लमजुङ)
मर्स्याङ्दी ६९ मेगावाट (तनहुं)
मोदी १४ मेगावाट (पर्वत)
अपर मोदी १४ मेगावाट (पर्वत)
जम्मा ३११ मेगावाट

 

प्रदेशस्तरका सुरक्षा नियकायहरु

  • प्रदेश प्रहरी कार्यालय
  • सशस्त्र प्रहरी बल मुक्तिनाथ बाहिनी
  • राष्ट्रिय अनुसन्धान क्षेत्रीय कार्यालय
  • जिल्ला प्रशासन कार्यालय (कास्की, स्याङ्जा, तनहूँ, बागलुङ्, गोरखा र नवलपुरमा प्रथम श्रेणीका तथा मुस्ताङ, म्याग्दी, पर्वत, मनाङ र लमजुङमा द्वितीय श्रेणीका प्र.जि.अ.)
  • इलाका प्रशासन कार्यालय (वुर्तिवाङ-बागलुङ, वालिङ-स्याङ्जा, हुवास-पर्तव, लोमान्थाङ-मुस्ताङमा शाखा अधिकृत र लेखनाथ-कास्कीमा द्वितीय श्रेणीका उपसचिव)
  • सीमा प्रशासन कार्यालय (गोरखा, मुस्ताङमा शाखा अधिकृत)

Latest Uploads

  • सञ्चार सम्वन्धि परिपत्र
    Download
  • विपद् सम्बन्धी आशयपत्र
    Download
  • संविधान सभा दिवस सम्बन्धी प्रेस विज्ञप्ति
    Download
  • सूचनाको हक सम्बन्धी विवरण
    Download
  • वार्षिक कार्यसम्पादन प्रतिवेदन -२०७४/०७५
    Download
  • विपद् व्यवस्थापन सम्बन्धी बार्षिक प्रतिवेदन-२०७४/७५
    Download
  • मुलुकी (देवानी र फौजदारी) संहिताका मुख्य विशेषताहरु
    Download

Office Location


Contact Details


Provincial Government
आन्तरिक मामिला तथा कानून मन्त्रालय
गण्डकी प्रदेश, पाेखरा नेपाल

Phone: +९७७-०६१-४६७७११

Fax: +९७७-०६१-४६७७११

Email info@moial.gandaki.gov.np / moialp4@gmail.com

        

Copyright © 2018 Ministry of Internal Affairs and Law All Right Reserved.
Maintained By:Virtual Technology